რუსეთის საგარეო საქმეთა ოფიციალური წარმომადგენელი მარია ზახაროვა სისხლის სამართლის საერთაშორისო სასამართლოს პროკურატურის მიერ აგვისტოს ომის შესახებ გამოძიების დასრულებას ეხმიანება. მისი თქმით, საქართველოში 2008 წელს არსებულ ვითარებაზე ჩატარებულმა გამოძიებამ კიდევ ერთხელ აჩვენა მართლმსაჯულების მიმართ თვალთმაქცობა და ორმაგი სტანდარტებით მიდგომა. 

„სისხლის სამართლის საერთაშორისო სასამართლოს პროკურატურის ანგაჟირებული მოქმედებების ფოკუსირება დიდი ხანია ცნობილია, ამასთან დაკავშირებით ჩვენი მხრდან არაერთხელ გაკეთდა კომენტარი. ამის მიუხედავად, სისხლის სამართლის საერთაშორისო სასამართლოს პროკურატურა ყოველ ჯერზე ტირაჟირებს თავისი „დამოუკიდებლობის, მიუკერძოებლობისა და ობიექტურეობის“ შესახებ, მათ შორის სამხრეთ ოსეთში მიხეილ სააკაშვილის აგრესიული რეჟიმის მიერ გაჩაღებული კონფლიქტის გამოძიებისას

14-წლიანი მუშაობის შემდეგ გამომძიებლებმა, რომლებიც არ ერკვეოდნენ რეგიონის სპეციფიკაში, მაგრამ მორჩილად ასრულებდნენ დასავლელი მურვეების პოლიტიკურ დაკვეთას, თავდაყირა დააყენეს ვითარება და ცინიკურად გამოიყვანეს კონფლიქტში დაზარალებული მხარე დამნაშავედ. შედეგად გაიცა დაკავების სამი ორდერი სამხრეთ ოსეთის სამი მოქალაქეზე, რომელთაც ასევე აქვთ რუსეთის მოქალაქეობაც. მათ ეთნიკური ქართველების მითიურ შევიწროებაში დასდეს ბრალი“, – ნათქვამია განცხადებაში.

ზახაროვას თქმით, ჰააგის საერთაშორისო სასამართლო არ დაინტერესებულა „საქართველოს შეიარაღებული ძალების მიერ მშვიდობიანი ცხინვალის ბარბაროსული დაბომბვითა და რუს მშვიდობისმყოფელებზე თავდასხმით“.

რუსეთის საგარეო უწყება ასევე აღნიშნავს, რომ მოსკოვი არ თანამშრომლობს ჰააგის სასამართლოსთან.