ლევან გაჩეჩილაძის თქმით, ის მხოლოდ კანონიერი და იურიდიული გზებით აპირებს ბრძოლის გაგრძელებას. ის ასევე აცხადებს, რომ რამდენიმე ჟურნალისტს მასთან შეხვედრა სურდა, თუმცა არ აკონკრეტებს მათ სახელებსა და გვარებს.

ამის შესახებ ინფორმაციას არ ფლობს ბაია გადაბაძე. 

"არანაირ ძალადობას არ ვაპირებ, ბაიასაც დაველაპარაკები. მინდა კოლექტივთან შეხვედრა და ჩემი მომავალი ნაბიჯების ახსნა. ამ მისამართზე ზის "მაესტრო", რომლის გენერალური დირექტორი დღეს გავხდი მე და ვარ აბსოლუტურად კონსტრუქციულად გამზადებული მომავლისთვის. მარტო კანონიერი და იურიდიული გზებით ვაპირებ ბრძოლის გაგრძელებას. ალტერნატიულ შენობასაც ვიპოვი პრობლემა არ არის არაფრის. იჯარის ხელშეკრულების დარღვევასაც და "მაესტროს" აქედან გადასვლასაც აქვს თავის გონიერი ვადები. დაველაპარაკები "მაესტროს" ამ შენობის მმართველს, მფლობელებს, მათ იურისტებს და იმის მიხედვით მივიღებ კონკრეტულ გადაწყვეტილებას,“ - განაცხადა ლევან გაჩეჩილაძემ.