აშშ-ის პრეზიდენტმა დონალდ ტრამპმა განაცხადა, რომ ის ირანთან შეთანხმების მიღწევას მომდევნო თვის განმავლობაში ელოდება და ხაზი გაუსვა სწრაფი მოგვარების აუცილებლობას.

„ვფიქრობ, ეს მომდევნო თვეში მოხდება, რაღაც მსგავსი. დიდხანს არ უნდა დასჭირდეს, სწრაფად უნდა მოხდეს.

„ისინი [ირანმა] ყველაფერზე ძალიან სწრაფად უნდა შეთანხმდნენ. ჩვენ უნდა მივაღწიოთ შეთანხმებას, წინააღმდეგ შემთხვევაში [სიტუაცია] ძალიან მტკივნეული იქნება და მე ეს არ მინდა. თუ შეთანხმება არ შედგება, მაშინ ეს სხვა ისტორია იქნება.

გუშინ ძალიან კარგი შეხვედრა გვქონდა ბიბი ნეთანიაჰუსთან და მას ესმის, მაგრამ საბოლოო ჯამში ეს ჩემი გადაწყვეტილებაა.“, - განუცხადა მან თეთრ სახლში ჟურნალისტებს.

ტრამპის განცხადებით.მზადაა ირანთან მოლაპარაკებისთვის იმდენ ხანს, რამდენ ხანსაც მოისურვებს.

„მათთან [ირანთან] იმდენ ხანს ვისაუბრებ, რამდენ ხანსაც მსურს და ვნახოთ, შევძლებთ თუ არა შეთანხმების მიღწევას“, - თქვა მან.