უკრაინის პრეზიდენტმა ვოლოდიმირ ზელენსკიმ განაცხადა, რომ უნგრეთის პრემიერ-მინისტრ ვიქტორ ორბანის საარჩევნო კამპანია უკრაინის, უკრაინელების და პირადად მისი კრიტიკას ეფუძნება.

ამის შესახებ ზელენსკიმ ირლანდიელ ბლოგერ კეილინ რობერტსონთან ინტერვიუში განაცხადა.

საუბრისას უკრაინის პრეზიდენტმა ევროპაში რუსეთის გავლენა ახსენა და აღნიშნა, რომ ის „ერთ-ერთი უდიდესია“ და კრემლის ნარატივების გავრცელების ინსტრუმენტს წარმოადგენს.

ამ კონტექსტში, რობერტსონმა მას უნგრეთის პრემიერ-მინისტრის საარჩევნო კამპანიის შესახებ დაუსვა კითხვა.

„მან [ორბანმა] გადაწყვიტა, რომ თავისი საარჩევნო კამპანია უკრაინის, უკრაინელების, პირადად ჩემი, ევროკავშირის და ურსულა ფონ დერ ლაიენის სიძულვილზე აეგო. ეს მისი საარჩევნო პლატფორმაა“, - უპასუხა ზელენსკიმ.

უკრაინის პრეზიდენტმა ასევე აღნიშნა, რომ ორბანი მთელ უნგრელ ხალხს არ წარმოადგენს და არჩევნების შედეგი მათ გადაწყვეტილებაზეა დამოკიდებული.

„ვფიქრობ, უნგრელები ძალიან კარგი ხალხია და ისინი გაცილებით მეტს წარმოადგენენ, ვიდრე უბრალოდ ერთი ადამიანი. თუმცა ეს მათ გადაწყვეტილებაზეა დამოკიდებული“, - თქვა მან.