თუ ჩვენ ნორმალური ცხოვრება გვინდა, ეს ევროკავშირის სტანდარტების დაკმაყოფილებით მიიღწევა, ეს შალვა პაპუაშვილმა იცის, ოღონდ პაპუაშვილი ერთი ზვიგენიანი მილიარდერის მონაა და იძულებულია ყოველ მეორე დღეს დებილობები ილაპარაკოს, - ამის შესახებ “ოპოზიციური ალიანსის“ ლიდერმა ზურა ჯაფარიძემ ევროპის დღესთან დაკავშირებით, პარლამენტის თავმჯდომარის მიერ ევროკავშირის წარმომადგენლის პაველ ჰერჩინსკისადმი გაგზავნილ წერილთან დაკავშირებით განაცხადა.

როგორც მან აღნიშნა, ევროკავშირის წევრობას კოპენჰაგენის კრიტერიუმების დაკმაყოფილება სჭირდება, “ამ რეჟიმის პირობებში კი ქვეყანა კოპენჰაგენის კრიტერიუმებს 180 გრადუსით ასცდა“.

“ევროკავშირის არის კლუბი, რომელსაც თავისი წესები აქვს. არსებობს ე.წ. კოპენჰაგენის კრიტერიუმები, რომელსაც სამი მიმართულება აქვს. თუ გვინდა, რომ ამ კლუბის წევრები გავხდეთ და ჩვენმა შვილებმა ნორმალურ, ცივილიზებულ და განვითარებულ ქვეყანაში იცხოვრონ, სადაც კარგი განათლება და ჯანდაცვა იქნება, სადაც ჩვენს შვილებს ჯიბეში ევროკავშირის წევრი ქვეყნის პასპორტი ექნება, რომელიც დედამიწაზე ყველა კარგს გაუხსნის, ამისთვის კოპენჰაგენის კრიტერიუმები არსებობს, რაც ამ ქვეყანამ უნდა დააკმაყოფილოს. ამ რეჟიმის პირობებში ეს ქვეყანა კოპენჰაგენის კრიტერიუმებს 180 გრადუსით ასცდა და სულ სხვა მიმართულებით გაფინეს - რუსეთის უკანალში! ამ ქვეყნის მოქალაქეების 80% სტაბილურად იძახის, რომ ევროკავშირში გვინდა. გვინდა, რომ თბილისის გროზნო არ იყოს და იყოს ლუქსემბურგივით. ამიტომ კოპენჰაგენის კრიტერიუმები უნდა დავაკმაყოფილოთ“,[IPN] - განუცხადა ზურაბ ჯაფარიძემ ჟურნალისტებს.