რუსმა ოკუპანტებმა 51 წლის დავით თაზიაშვილი დააკავეს
რუსმა ოკუპანტებმა ე.წ. საზღვრის უკანონო გადაკვეთის ბრალდებით, გორის მუნიციპალიტეტის სოფელ ზარდიაანთკარის მკვიდრი, 51 წლის დავით თაზიაშვილი დააკავეს.
მისი აყვანა ე.წ საზღვრის სიახლოვეს მოხდა. დაკავებული რუსმა სამხედროებმა ცხინვალის იზოლატორში გადაიყვანეს. მის გასათავისუფლებლად ქართულმა მხარემ მოლაპარაკებები უკვე დაიწყო.
