კოტე მახარაძის 90 წლისადმი მიძღვნილი ღონისძიებები გაიმართება

კოტე მახარაძის სახელობის საერთაშორისო ასოციაცია LEGE ARTIS, ქ. თბილისის მერიის კულტურული ღონისძიებების ცენტრის მხარდაჭერით, კოტე მახარაძის დაბადებიდან 90 წლის საიუბილეო წელთან დაკავშირებულ ღონისძიებებს იწყებს.

22 სექტემბერს 14:00 საათზე კოტე მარჯანიშვილის სახ. სახელმწიფო აკადემიურ თეატრში, პროექტ „კოტე მახარაძე 90“-ის ფარგლებში, აწყობს ღონისძიებათა საპრეზენტაციო შეხვედრას საზოგადოების წარმომადგენლებთან, მის კოლეგებთან და მეგობრებთან.

23 სექტემბრიდან დასასვენებელ პარკ „მზიურში“ ნაჩვენები იქნება სპექტაკლების ვიდეო ჩანაწერები, რომლებშიც კოტე მახარაძე მონაწილეობდა: 23 სექტემბერი “ბაგრატიონები“, 24 სექტემბერი „აკაკი“ 25 სექტემბერი „ილია“. ჩვენებები 20:00 საათზე დაიწყება და მათზე დასწრება თავისუფალია!