Christie's-ის აუქციონზე როლანდ რეიგანის პირად ნივთებს გამოიტანენ

საქართველო, თბილისი - 14:17 | 21.09.2016

ნანახია: 2345

აშშ-ის მე-40 პრეზიდენტის როლანდ რეიგანისა და მისი მეუღლის - ნენსის პირად ნივთებს Christie's-ის აუქციონზე გამოფენენ.

260 ლოტს შორის არის რეიგანის პრეზიდენტობის დროინდელი, თეთრ სახლში და კალიფორნიის საოჯახო რეზიდენციაში დაცული რამდენიმე ნივთი. ასევე საჩუქრები, რომლებიც რეიგანს სხვადასხვა ქვეყნის ოფიციალურმა პირმა გადასცა. ასევე ამერიკული, ინგლისური, იტალიური, ფრანგული, მექსიკური, ჩინური და ბერძნული ჭურჭელი, ვერცხლის შანდლები, ფაიფურის ქანდაკებები, Cartier -ს მაგიდის საათები. ინტერესს იწვევს იშვიათი ღვინისა და კონიაკის კოლექცია. პირველი ლედის კუთვნილი Valentino-ს, Chanel-ს, Gucci-სა და Dior-ის ჩანთები. ვერცხლის სამაჯური, ოქროს ბეჭედი, Tiffany-ის ბრილიანტებით მორთული ქალის საათი. ნენსი რეიგანის ნივთებს შორის უძვირფასეს ლოტად ოქროს ბეჭედი მიიჩნევა, რომელიც დიდი ამეთვისტოს თვლითა და ბრილიანტებითაა მორთული. ასევე ჭრიჭინას ფორმის 18-კარატიანი ოქროს გულსაბნევი.

აუქციონის ორგანიზატორთა განცხადებით, გაყიდვიდან მიღებული შემოსავალი რონალდ რეიგანის საპრეზიდენტო ფონდს გადაეცემა.