თეა წულუკიანი: თუ ვინმეს ეკუთვნის კრიტიკა, მხოლოდ სასამართლოს

იუსტიციის მინისტრი თეა წულუკიანი გამორიცხავს მთავარი პროკურორის გადაყენებას, მით უმეტეს, უგულავას საქმეზე. წულუკიანის თქმით, თუ ვინმეს ეკუთვნის კრიტიკა, მხოლოდ სასამართლოს, სადაც გაჭიანურდა ეს პროცესი. მინისტრი იმედოვნებს, რომ ახალი წესით მთავარი პროკურორის არჩევა მიმდინარე წელსვე მოხდება

„გიგი უგულავას საქმეზე, ვგულისხმობ სისხლის სამართლის საქმეს, თუ ვინმეს ცვლილებაა საჭირო, ეს კრიტიკა ალბათ პირველ რიგში სასამართლოს ეკუთვნის. სასამართლოს, რომელმაც 9 და მეტი თვის განმავლობაში ვერ მოახერხა, რომ სხდომა დაესრულებინა.

სწრაფი მართლმსაჯულება მოსამართლის ხელშია. ვერც ადვოკატს დავადანაშაულებთ და ვერც პროკურორს. რაც შეეხება მომავალ ცვლილებებს, პროკურატურის შესახებ რეფორმა შედის მალე ძალაში. იმედი მაქვს, რომ პრეზიდენტი ამ პროგრესულ კანონს ხელს მოაწერს,“ - განაცხადა თეა წულუკიანმა.