დავით რაქვიაშვილი პროფესიონალი და თვის საქმის მცოდნეა - სერგი კაპანაძე

,,ნაციონალური მოძრაობის” წევრის სერგი კაპანაძის შეფასებით, დავით რაქვიაშვილი თავისი საქმის მცოდნე და კარგი პროფესიონალია.

,,ვახასიათებ მას, როგორც კარგ პროფესიონალს და თავის საქმის მცოდნე ადამიანს და მინდა წარმატება ვუსურვო ამ საპასუხისმგებლო თანამდებობაზე, განსაკუთრებით იმ პირობებში, როდესაც ”ქართული ოცნების” ხელისუფლების ერთ-ერთი ამოცანა არის საპრეზიდენტო ინსტიტუტის დაკნინება და უშიშროების საბჭოს როლის შესუსტება. იცით რომ ორი უშიშროების საბჭო არსებობს, ამიტომ ამ ფონზე მას საკმაოდ საპასუხისმგებლო, მაგრამ ამავდროულად რთული ამოცანები და საქმე ექნება”, - განაცხადა სერგი კაპანაძემ. 

პრეზიდენტმა უშიშროების საბჭოს მდივნის თანამდებობაზე ირინა იმერლიშვილის შემცვლელად, დავით რაქვიაშვილი დანიშნა.