"ერთიანი ნაციონალური მოძრაობის" დეპუტატ გიგა ბოკერიას განცხადებით, ხელისუფლებას დემოკრატიის პრინციპები არ ესმის, რაც მათი მხრიდან, თუნდაც მძიმე კრიტიკის მიუღებლობაში გამოიხატება.

"ლიბერალური დემოკრატიაა, როცა გაკრიტიკებენ ისე, რომ არ გსიამოვნებს, მაგრამ მიუხედავად ამისა, პასუხებს სცემ და ოპოზიციასთან სათათბიროდაც ჯდები. თქვენთვის ეს ძნელი წარმოსადგენია, მაგრამ ამას უნდა შეეგუოთ. აბა, რა გგონიათ, ის, რაც აქ გესმით, რომ როგორი კარგებით ხართ და ნუთუ, კიდევ უფრო კარგები იქნებით შემდეგი 4 წელი, ეს არის კრიტიკა? "ნომინალური" შეურაცხყოფაო, ამბობთ, როცა თეა წულუკიანი გყავთ მთავრობაში, მოუსმინეთ, როგორ ლაპარაკობდა რამდენიმე დღის წინ, ან აქ ერთ-ერთი ახალგაზრდა რომ ოჯახის წევრ მამაზე საუბრობდა, ჩვენ გვიკითხავთ მორალს? შეეგუეთ, რომ ამ დარბაზში გექნებათ დისკომფორტი, საკონსტიტუციო უმრავლესობა გაქვთ და ყველაფერს აკონტროლებთ და წუწუნებთ იმაზე, რომ არ მოგწონთ, აქ რა გესმით?

დღეს აქ, ოცნების დეპუტატებისა და მინისტრობის კანდიდატების მხრიდან ისეთი განცხადებები მოვისმინეთ, რომ ძნელია, რომელიმე მათგანი გამოარჩიო. თუმცა "ოქროს მედალი" მაინც იმ განცხადებას ეკუთვნის, ლარის ძალიან გამყარების შემთხვევასი რომ ქვედა ზღვარი უნდა დავაწესოთ თურმე. და ამას სერიოზულად პასუხობს პრემიერი.

კვირიკაშვილს მხოლოდ ერთ რამეში უნდა დავეთანხმო - მან თქვა, რომ ეროვნული თანხმობა, სამოქალოქო თანხმობა უნდა იყოს არჩევნებს შემდეგ მოგებულსა და წაგებულს შორისო. ეს ასეა, ნორმალური დემოკრატია არის ასეთი, ვიღაც მოიგებს, ვიღაც წააგებს, მაგრამ ეგუება. მაგრამ გააჩნია როგორ მოიგებ. როცა ძალადობით და დაშინებით იგებ მაშინ თანხმობა სუსტდება, როცა ფული და მილიარდელი შენს უკან არის, როცა მთელ სასამართლო სისტემას აკონტროლებ, ეგ სამოქალაქო თანხმობას კიარ უწყობს ხელს, ეგ დიდ სამოქალაქო უთანხმოებას უწყობს ხელს", - განცახდა ბოკერიამ.