ირაკლი კობახიძე არის დიდი პროფესიონალი სწორედ საკონსტიტუციო სამართლის - თეა წულუკიანი

საკონტიტუციო ცვლილებების შესახებ შექმნილ კომისიას ხელმძღვანელობდა ბატონი დავით უსუფაშვილი , მას ახლა უხელმძღვანელებს მისი შემცვლელი ირაკლი კობახიძე და ამაში ვერაფერს განსაკუთრებულს ვერ ვხედავ,- განაცხადა იუსტიციის მინისტრმა, თეა წულუკიანმა..

მინისტრმა აქვე ხაზი გაუსვა, რომ კობახიძე საკონსტიტუციო სამართლის პროფესიონალია.

„ბატონი ირაკლი კობახიძე არის დიდი პროფესიონალი სწორედ საკონსტიტუციო სამართლის. იმედი მაქვს, რომ ეს საკონსტიტუციო კომისია მიგვიყვანს კონკრეტულ შედეგებამდე, რაც ვერ მოხერხდა წინა საკონსტიტუციო ცვლილებებზე მუშაობის დროს, წინა მოწვევის პარლამენტის ფარგლებში“,-აღნიშნა წულუკიანმა.

მისივე თქმით, იუსტიციის მინისტრი ყოველთვის იყო ნებისმიერ ასეთი კომისიის წევრი, მონაწილე. „იმედი მაქვს, მომავალშიც ასე იქნება“,-აღნიშნა თეა წუკულიანმა