ე.წ. კაბელების საქმეზე ბრალდებულები უახლოეს მომავალში დაუბრუნდებიან საკუთარ ოჯახებს - ირაკლი ალასანია

ე.წ. კაბელების საქმეზე დასკვნა არის დანაშაული. ამ დანაშაულის თანამონაწილე იყო პროკურატურა, პოლიტიკური ელიტა და სასამართლო. ახლა ამ ინსტანციიის სასამართლოს აქვთ შანსი, რომ ეს სამარცხვინო ლაქა რაღაცნაირად ჩამოირეცხონ და დანაშაული შეუმსუბუქონ. ამის შესახებ "თავისუფალი დემოკრატების" ყოფილმა ლიდერმა ირაკლი ალასანიამ ჟურნალისტებთან განაცხადა.

მისი თქმით, ყველა მტკიცებულებით ნათლად ჩანს, რომ ამ საქმეში ეს ადამიანები უდანაშაულოები არიან.

"მე დარწმუნებული ვარ, რომ ეს ხალხი უახლოეს მომავალში დაუბრუნდება საკუთარ ოჯახებს. რაც შეეხება პრეზიდენტთან "თავისუფალი დემოკრატებისა" და ადვოკატის შეხვედრას, შეწყალების საქმე არის პრეზიდენტის გადასაწყვეტი", - განაცხადა ალასანიამ.