უმრავლესობამ არჩევნებში მონაწილეობა სამოქალაქო ვალის მოხდის მიზნით მიიღო- NDI

NDI-ს კვლევის ფარგლებში ჩატარებული გამოკითხვის თანახმად მთავარი მიზეზი, რის გამოც ამომრჩეველმა არჩევნებში მონაწილეობა მიიღო სამოქალაქო ვალის მოხდა იყო. ასე გამოკითხულთა 68% პროცენტი თვლის. 12 %-მა მნიშვნელოვან მიზეზად იმ პარტიის მხარდაჭერა დაასახელა, რომელიც მის მოსაზრებებთან ყველაზე ახლოს დგას.

10%-მა არჩევნებში მონაწილეობა იმიტომ მიიღო, რომ მისი ხმა გაყალბებისთვის არ გამოეყენებინათ. 5%-მა მთავრობის მხარდასაჭერად, 3%-მა მთავრობის შესაცვლელად. 1% -ის განცხადებით კი არჩევნებში მონაწილეობა იმიტომ მიიღო, რომ მის გარშემო ყველა მიდიოდა არჩევნებზე.

NDI-ის კვლევის საველე სამუშაოები ჩატარდა 4 ნოემბერი - 4 დეკემბრის პერიოდში. ოკუპირებული ტერიტორიების გამოკლებით, ქვეყნის მასშტაბით სულ 3 141 პირი გამოიკითხა. საშუალო ცდომილების ზღვარი +/-1,8%-ია.