ზაზა ფაჩულია NBA All-Star-ის მატჩის სასტარტო ხუთეულში ვერ მოხვდა

საქართველო, თბილისი - 10:11 | 20.01.2017

ნანახია: 2027

ზაზა ფაჩულია NBA All-Star–ის მატჩის სასტარტო ხუთეულში ვერ მოხვდა.

ხმის მიცემის შედეგები NBA-ის ოფიციალურ ვებგვერდზე გამოქვეყნდა.

გულშემატკივართა 1 528 941 ხმის რაოდენობით, ზაზა ფაჩულია დასავლეთ ფორვარდთა შორის მე-2 ადგილზე გავიდა, მაგრამ მედიამ და კალათბურთელებმა მას მხარი არ დაუჭირეს და ის სასტარტო ხუთეულს მიღმა დარჩა.

წელს NBA-მ წესები შეცვალა და მხოლოდ გულშემატკივართა ხმები „ოლ სტარში“ მოსახვედრად საკმარისი არ იყო. ფანების წილი 50% იყო, მეორე 50 %–ი კი მედიის, კალათბურთელებისა და მწვრთნელების.

თუმცა, ფაჩულიას თამაშში მონაწილეობის შანსი მაინც აქვს.

„ოლ სტარის“ მონაწილე დანარჩენ 7-7 მოთამაშეს დასავლეთ და აღმოსავლეთ კონფერენციათა ნაკრები გუნდების მწვრთნელები 26 იანვარს დაასახელებენ.

დასავლეთის გუნდს ზაზას უშუალო მწვრთნელი, "გოლდენ სტეიტის" თავკაცი სტივ კერი გაწვრთნის და მასზეა დამოკიდებული, ითამაშებს თუ არა ქართველი "ოლ სტარში".

გულშემატკივრების, NBA-ის უკვე არსებული მოთამაშეებისა და მედიის წარმომადგენლების მიერ შედგენილი გუნდების სასტარტო ხუთეულები:

აღმოსავლეთ კონფერენცია

იანის ანდეტოკუნმპო

ჯიმი ბატლერი

დემარ დეროუზენი

კაირი ირვინგი

ლებრონ ჯემსი

დასავლეთ კონფერენცია

ენტონი დევისი