მას არ აქვს უფლება გათქვას აღსარების საიდუმლო - მეუფე ანდრია დეკანოზ გიორგი მამალაძის საქმეზე

მეუფე ანდრიას განმარტებით, საქმის დეტალებზე სასაუბროდ დეკანოზ გიორგი მამალაძეს კურთხევა არ სჭირდება. მეუფე ანდრიამ ე.წ. მატროსოვის ციხეში დეკანოზის მონახულების შემდეგ განაცხადა, რომ მას საფრთხე არ ემუქრება და ყველანაირ სამედიცინო მომსახურებას უწევენ. 

"არის გარკვეული სასულიერო უფლებამოსილებები, რომელიც გააჩნია სასულიერო პირს და ამ უფლებამოსილებებში არის ერთ-ერთი ის, რომ მას არ აქვს უფლება გათქვას აღსარების საიდუმლო. დანარჩენი უკვე არის მისი სინდისი და მისი ღმერთთან ურთიერთობა. ბრალდებასთან დაკავშირებითაც იყო საუბარი და მე პირადად, ღრმად მწამს, რომ კათოლიკოს პატრიარქის მიმართ მას არანაირი ბოროტი განზრახვა არ ჰქონდა", - განაცხადა მეუფე ანდრიამ და იმედი გამოთქვა, რომ სიმართლე საბოლოოდ გაირკვევა.

"მწამს, რომ გამოძიება სრული კეთილსინდისიერებით გამოიკვლევს ამ საქმეს და სიმართლე ითქმება", - განაცხადა მეუფე ანდრიამ.

დეკანოზი გიორგი მამალაძე საქმის დეტალებზე სასაუბროდ, სასულიერო პირებთან შეხვედრას და კურთხევას ითხოვდა.