ერთად უნდა დავდგეთ დღეს რუსთავი2-ის გვერდით

რუსთაველის გამზირზე, პარლამენტის წინ სამაუწყებლო კომპანია "რუსთავი 2"-ის მხარდამჭერ აქციაზე საზოგადოებისათვის ცნობილი საახეები იმყოფებოდნენ. 

შორენა ბეგაშვილი, მსახიობი, ტელეწამყვანი: ყველანი აქ ვართ შეკრებილები, რადგან რუსთავი 2 ყველასია, ჩვენი სამუშაო და საყვარელი ადგილია, ჩვენი ოჯახია და ყველას მოგიწოდებთ, რომ ჩვენს გვერდით დადგეთ.

ნანუკა ჟორჟოლიანი, ტელეწამყვანი: იმედი მაქვს, რომ ჩვენს ქვეყანაში მოვა ხელისუფლება, რომელიც მიხვდება, რომ მედიასთან ბრძლას, ჟურნალისტებთან ბრძოლას აგებს ყველა, მით უფრო, როცა ებრძვის ტელეკომპანიას, რომელიც თავითავად შექმნილია გამარჯვებისთვის.

ვანიკო თარხნიშვილი, მსახიობი, ტელეამყვანი: სინამდვილეში, სიტყვის თავისუფლება და დემოკრატია არის ის, როდესაც ქვეყანაში არის განსხვავებული აზრი და ამ აზრის შესაბამისად ხალხი აკეთებს არჩევანს. ეს არჩევანი არ უნდა წავართვათ ხალხს და ჩვენ, როგორც შეგვიძლია, უნდა დავდგეთ მის გვერდით. გამოუვალი მდგომარეობა არ არსებობს და გამოსავალი არის ის, რომ ყველანი ერთად უნდა დავდგეთ დღეს რუსთავი2-ის გვერდით.

ვანო ჯავახიშვილი, ტელეწამყვანი: აუცილებელია, რომ გავაპროტესტოთ სიტყვის თავისუფლების შეზღუდვა ჩვენს ქვეყანაში. ერთხელ და სამუდამოდ უნდა დამთავრდეს ეს საქმე და რუსთავი2-ის გამარჯვება ყველამ ერთად უნდა ვიზეიმოთ. ჩვენ აუცილებლად გავიმარჯვებთ.