"ერი თუ ცხვრად გადაიქცა მაშინ შეიძლება 2023-ში კი არა, 2033-შიც იყოს ბიძინა ივანიშვილი აქტუალური. თუ ერი ცხვრად არ გადაიქცევა და ცხვრის ფარად არ გადავიქცევით ასეთ შემთხვევაში გარწმუნებთ, რომ წესით ამ ადგილობრივი არჩევნების და მით უმეტეს შემდეგი არჩევნების დროს ბიძინა ივანიშვილის ფაქტორი რადიკალურად გადამწყვეტი არ უნდა იყოს. 

ბოლო ნიუსებს გადავავლოთ თვალი და ვიკითხოთ, ჩვენ ხალხი ვართ საერთოდ? ჩვენ სახელმწიფო ვართ? პრეზიდენტი გამოდის ქვეყანაში და ამბობს, რომ ჩემი ოჯახის წევრს ნარკოტიკი ჩაუდეს და დაირღვა ყველანაირი უფლებები მისი ჩხრეკის დროსო. მე არ ვიცი როგორ იყო სინამდვილეში, მაგრამ როდესაც პრეზიდენტი ასეთ განცხადებას აკეთებს ხომ უნდა ჩატარებულიყო როგორც მინიმუმ ისეთი გამოძიება, რომ დღეს მე და თქვენ ერთმნიშვნელოვნად გვქონდეს სათქმელი, რომ ან პრეზიდენტი შეცდომაში შეიყვანეს ან რაღაცაშია საქმე და ვიღაცა უნდა დაისაჯოს", - განაცხადა ნინო ბურჯნაძემ.