სამარცხვინო და გამაღიზიანებელია, როცა ხარ ნანუკა ჟორჟოლიანი და... - გურამ შეროზია

ბლოგერი გურამ შეროზია ტელეწამყვან ნანუკა ჟორჟოლიანისა და ნიკა ჭავჭავაძის ფეისბუქზე ატეხილ ,,ომს” ეხმაურება და სოციალურ ქსელში პოსტს აქვეყნებს:

_ ძალიან სამარცხვინო და გამაღიზიანებელია, როცა ხარ ნანუკა ჟორჟოლიანი და:

1. შეურაცხყოფას აყენებ ადამიანს იმისთვის, რომ შენი პოსტი არ მოიწონა და უბრალოდ ერთი სმაილი დააკომენტარა.

2. აბულინგებ იმის გამო, რომ ფული არ აქვს, სამსახური გთხოვა და ამას შეტენვაში უთვლი (ან ნიშნისმოგებით წამოაძახებ საჯაროდ)

3. უსქრინავ პირად მიმოწერას ამაყად და ზემოდან უყურებ. კი ბატონო, გაქვს ამ ბავშვზე 20-ჯერ მეტი შემოსავალი ალბათ და რა ამით?

4. როგორც შემდგომი კომენტარებიდან ჩანს, ობოლია, უმუშევარი და სოციალურად დაუცველი, იქნებ ამის გამო მაინც შეეწუხებინა ნამუსს? რომ ჰკითხო, ძალიან ადარდებს ხალხის პრობლემები და უცებ ამას გადააწყდები მერე…

სრულიად ობიექტური ვარ, იმიტომ, რომ ამ ბიჭს არც ვიცნობ, უბრალოდ რაც ვნახე, ძალიან გამიკვირდა. დაე საზოგადოებამ გადაწყვიტოს, იქნებ მე ვრეაგირებ ზედმეტად მტკივნეულად ადამიანების საჯაროდ დამცირებაზე, ზემოდან ყურებაზე და სხვების გაჭირვებით ბოროტად სარგებლობაზე? ერთხელ და სამუდამოდ შეიგნეთ ხალხო: სამსახურის ძებნა არ არის სირცხვილი! არც ვინმესთვის მიწერა და თხოვნა არ ტეხავს, როგორღაც ხომ უნდა მიაწვდინო ხმა დამსაქმებელს? და არც უფულობაა სამარცხვინო, არც უმუშევრობა და საერთოდ, კაცმა არ იცის ათი წლის შემდეგ სად ვიქნებით, იქნებ მე მომიწიოს მივწერო სამსახურზე მათ, ვინც დღეს მე თვითონ დავასაქმე…’