აშშ-ის სპეცრაზმი სირიაში ისლამისტების წინააღმდეგ ბრძოლაში მონაწილეობას არ მიიღებს

სირიის ტერიტორიაზე ტერორისტების წინააღმდეგ ბრძოლის ოპერაციებში ამერიკული სპეცრაზმი მონაწილეობას არ მიიღებს. ამის შესახებ აშშ-ის პრეზიდენტმა ბარაკ ობამამ ტელეარხ NBC-ს განუცხადა.
ტელევიზიისთვის მიცემულ ინტერვიუში ობამამ აღნიშნა, რომ ამერიკელი ჯარისკაცები ”ისლამურ სახელმწიფოსთან” ბრძოლაში არ ჩაერთვებიან.

”ჩვენ აშშ-ის სამხედრო მოსამახურეებს არ ვაგზავნით იმისათვის, რომ ”ისლამური სახლწიფოს” წინააღმდეგ წინა ხაზზე იბრძოლონ”, - აღნიშნა პრეზიდენტმა.

ობამას თქმით, სირიაში სპეცრაზმის ყოფნა სირიის ტერიტორიაზე აშშ-ის პოლიტიკის პირდაპირი გაგრძელებაა. სირიაში ისეთივე საომარი მოქმედებები, როგორიც ერაყში იყო, მოსალოდნელი არ იქნება.