ხელისუფლება ცდილობს სასამართლო კორპუსის ხელში დაჭერას - ზაზა ხატიაშვილი

„ხელისუფლება ცდილობს სასამართლო კორპუსის ხელში დაჭერას“,-განაცხადა საქართველოს ადვოკატთა ასოციაციის თავმჯდომარემ, ზაზა ხატიაშვილმა საპროტესტო აქციაზე, რომელიც ლევან მურუსიძის შესაძლო უვადო დანიშვნის  გამო იმართება.

„ვინაიდან, ლევან მურუსიძე არის ამ ხელისუფლების დასაყრდენი, ხელისუფლება ცდილობს სასამართლო კორპუსის ხელში დაჭერას, ლევან მურუსიძის გამოყენებით. ამ შემთხვეაში, მათი სავარაუდო გარიგება არის სახეზე. ლევან მურუსიძე ნებისმიერი მთავრობის სამსახურს გააგრძელებს, რომელი მთავრობაც არ უნდა მოვიდეს საქართველოში. ლევან მურუსიძის აქტიურობა მაშინ დამთვრდება, როცა საქართველოს ხელისუფლებაში წესიერი ადამიანი მოვა და იტყვის, რომ მე არ მინდა სასამართლო სისტემა და მინდა სამართლიანი სასამართლო,“- განაცხადა ზაზა ხატიაშვილმა.