გიგი ადამაშვილი სოლო კონცერტისთვის ემზადება

30 ივნისს, „თბილისი არტ-ჰოლში“ მომღერალ გიგი ადამაშვილის სოლო-კონცერტი გაიმართება. ახალგაზრდა შემსრულებელი საათნახევრის განმავლობაში ყველა იმ ცნობილ ჰიტს შეასრულებს, რომელიც განსაკუთრებულად უყვარს მსმენელს.

უფრო დეტალებზე, კონცერტის სამზადისზე „პრაიმნიუსჯორჯიას“ გიგი ადამაშვილი ესაუბრა:

საქართველოს 22 ქალაქში მქონდა სოლო კონცერტი. ძალიან დიდი გამოხმაურება იყო თბილისიდან და გვითხრეს, რატომ არ ვაკეთებდი აქ კონცერტს. თბილისის „არტ ჰოლიდან“ მივიღეთ მოწვევა, რომ აქ გამეკეთებინა სოლო კონცერტი.  

სპეციალური სტუმარი გვეყოლება სოფო ნიჟარაძე, რომელიც იმღერებს კონცერტზე და ეს იქნება თავიდან ბოლომდე ცოცხალი შესრულება. აკომპანიმენტს ლევან ჩხაიძე გამიწევს, გიტარაზე თავად დავუკრავ და ვიმღერებ. ვფიქრობ, რომ ძალიან ლამაზი, სასიამოვნო და კარგი კონცერტი გამოვა, სადაც გაჟღერდება ყველა ის სიმღერა, რომელიც ძალიან უყვარს მსმენელს.

დუეტებს შეასრულებ?

დუეტი იქნება მხოლოდ სოფო ნიჟარაძესთან.  

ბევრი მომღერალი დღემდე ვერ ებდავს სოლო კონცერტი გაკეთებს...

ეს არ არის ხმამაღლი ნათქვამი. ჩემთვის ეს არის ჩვეულებრივი პროცესი, რადგან  მომღერალი ხარ და მღერი. სოლო კონცერტი არის ის, სადაც მოდის შენი გულშემატკივარი. 

ნერვიულობ?

სიმართლე გითხრათ ძალიან ვნერვიულობ, რადგან თბილისი მაინც სპეციფიური ქალაქია. საერთოდ, ქართველი მაყურებელი ძალიან კრიტიკულია, ამიტომ ნერვიულობა ყოველთვის თან მსდევს.

უცხოურ სიმღერებს შეასრულებ თუ?

ვიმღერებ როგორც უცხოურს, ასევე ქართულ სიმღერებს. ვიმღერებ ისეთი გენიალური კომპოზიტორების სიმღერებს, როგორებიც არიან: მამუკა ჩარკვიანი, ოთარ რამიშვილი და ბევრი სხვა. ყველა უცხოური სიმღერა შესრულდება ახალი, ჩემი ინტერპრეტაციით.