ბელარუსში სიკვდილით დასჯა ხალხის სურვილით არსებობს - ლუკაშენკო

ბელარუსის პრეზიდენტის ალექსანდრ ლუკაშენკოს თქმით, ხელისუფლება ქვეყანაში სიკვდილით დასჯას ვერ გააუქმებს, რადგან რეფერენდუმზე მოსახლეობამ მის შენარჩუნებას მხარი დაუჭირა.
„მოგვიწოდებენ სიკვდილით დასჯის გაუქმებისკენ. ჩვენ გვესმის წინადადებები. მაგრამ ხალხის ნების წინააღმდეგ, რომლის დიდმა ნაწილმაც რეფერენდუმზე მის გამოყენებას მხარი დაუჭირა, ვერცერთი სახელმწიფო ვერ წავა“, - განაცხადა ლუკაშენკომ მინსკში  ეუთოს საპარლამენტო ასამბლეის
სესიის ოფიციალურ გახსნაზე  სიტყვით გამოსვლისას.

ბელარუსი ევროპაში ერთადერთი ქვეყანაა, სადაც სიკვდილით დასჯა მოქმედებს.

1996 წელს მისი გაუქმების საკითხი რეფრენდუმზე დაისვა, მაგრამ სიკვდილით დასჯის შენარჩუნებას მხარი ამომრჩეველთა 80-ზე მეტმა პროცენტმა დაუჭირა.