დავით უსუფაშვილი მოსამართლეებს მოუწოდებს ნუ გაღიზიანდებიან განსხვავებული მოსაზრებების მოსმენისას

დავით უსუფაშვილი საკონსტიტუციო სასამართლოს წევრებს მოუწოდებს ნუ გაღიზიანდებიან განსხვავებული მოსაზრებების მოსმენისას. უსუფაშვილის თქმით პარლამენტს აქვს უფლება დააფიქსიროს საკუთარი მოსაზრება მათშორის მოსამართლეთა ობიექტურობასთან დაკავშირებით. მოსამართლეებს არ უნდა ჰქონდეთ ხიფათის განცდა განაჩენის გამოტანისასა აცხადებს პარლამენტის თავმჯდომარე. ასევე რუსთავი ორისთვის დროებითი მმართველების დანიშვნასაც ეხმაურება მას კითვები აქვს სასამართლოს გადაწყვეტილებებთან დაკავშირებით. "როდესაც საზოგადოების მხრიდან არის მაღალი ინტერესი, ბევრი ადამიანისთვის ამ გადაწყვეტილებას აქვს დიდი მნიშვნელობა, როდესაც მთელი მსოფლიო რომელიც საქართველოზე ან საქართველოსთვის მუშაობს ამ თემაზეა მობილიზებული და აკვირდება ამ პროცესს, მე მგონია რომ, არა მარტო სასამართლო პროცესი უნდა იყოს ღია და გამჭვირვალე, არამედ თვითოეული მიღებული გადაწყვეტილება მყისიერად უნდა ეცნობოს საზოგადოებას. რაც შეეხება საკონსტიუტციო სასამართლოს აქ ცოტა სპეციფიური მდგომარეობაა. საქართველოს პარლამენტს როგორც მოპასუხეს აქვს კანონით მინიჭებული უფლება რომ განსახილველ საქმესთან დაკავშირებით თავისი პოზიციები წარმოადგინოს. თუ პარლამენტი როგორც მოპასუხე მხარე დასვამს ამა თუ იმ საკითხზე მოსამართლის ობიექტურობის საკითხზე კითხვებს, საკონსტიტუციო სასამართლოს წევრები მუდმივად არ უნდა გაღიზიანდნენ." აცხადებს დავით უსუფაშვილი.