თურქეთში, ავარიისას გარდაცვლილი ანსამბლ „ლაპრების“ ოპერატორი საქართველოში ჩამოასვენეს

თურქეთში მომხდარი ავტოავარიის შედეგად გარდაცვლილი მამაკაცი საქართველოში გადმოასვენეს. ტრანსპორტირება თურქულმა მხარემ უზრუნველყო. 

60 წლის მამაკაცი ანსამბლ „ლაპრების“ ოპერატორი იყო და მოცეკვავეებს ბულგარეთში მიჰყვებოდა. ავტოსაგზაო შემთხვევიდან დღემდე, ის ხელოვნური სუნთქვის აპარატზე იყო მიერთებული.

ამ დროისთვის, თურქეთის სამ საავადმყოფოში ავარიის შედეგად დაშავებული ოთხი პირი რჩება. მათი მდგომარეობა სტაბილურია.

შეგახსენებთ, რომ ავტოსაგზაო შემთხვევა თურქეთში, გერასუნის გუბერნიაში მოხდა. ანსამბლ „ერისიონის” საბავშვო სტუდია „ლაპრების” წევრები თბილისიდან ბულგარეთში ფესტივალზე მიემგზავრებოდნენ.