ნადეჟდა სავჩენკო კლიენტებს სატელეფონო სექსუალურ მომსახურეობას უწევდა

უკრაინის უმაღლესი რადას დეპუტატი ნადეჟდა სავჩენკო მუშაობდა ოფისში, სადაც კლიენტებს სატელეფონო სექსუალურ მომსახურეობას უწევდა. მან ამის შესახებ უკრაინულ მედიასთან ინტერვიუში განაცხადა.

მისი თქმით, როდესაც 21 წლის იყო, სამსახურს ეძებდა და ნახა განცხადება, სადაც ითხოვდნენ სასიამოვნო ხმის მქონე გოგონებს, რომლებსაც ნებისმიერ თემაზე შეეძლებოდათ საუბარი. გასაუბრებაზე მას შესთავაზეს ეროტიკული სცენის წაკითხვა ბულვარული რომანიდან.

„ჩემს თავს ვუთხარი: შენ მსახიობი ხარ, ამას წაიკითხავ“. წავიკითხე. იმ დროისთვის ხელფასი გასაოცარი იყო - საათში 100 დოლარი“,- აღნიშნა სავჩენკომ.

მისი თქმით, სამუშაოს შესრულებაში მას ყველაფრისადმი ადეკვატური დამოკიდებულება დაეხმარა.

მან ასევე ისაუბრა გადაცემა „ექსტრასენსების ბრძოლის“ გადაღებებზე.

პროდიუსერებს დასჭირდათ სნაიპერი და სავჩენკოს მიმართეს.

 „თავიდან უარი თქვი, მაგრამ მათ სხვა ვერავინ იპოვეს, და ისევ მე დამირეკეს, ბოლოს მეც დავთანხმდი“, - განაცხადა დეპუტატმა.