მექსიკელი გოგონა 43 ათასჯერ გააუპატიურეს

მექსიკელი გოგონა კარლა იასინტო, რომელიც ტრეფიკინგის მსხვერპლი გახდა, 43 200-ჯერ გააუპატიურეს. როგორც გოგონამ CNN-ს განუცხადა, დამნაშავეებს ხელში ის ჯერ კიდევ მოზარდობის ასაკში ჩაუვარდა.

გოგონას თქმით, ის ღარიბ ოჯახში იზრდებოდა და ახლობლების მხრიდან ძალადობას ჯერ კიდევ ადრეულ ბავშვობაში განიცდიდა. 12 წლის იყო, როდესაც ის ქალაქ ტენანსინგოში 22 წლის მამაკაცთან ერთად საცხოვრებლად გადავიდა. ეს ქალაქი მექსიკაში მეძავების ექსპორტის ცენტრად არის აღიარებული.

სამთვიანი თანაცხოვრების შემდეგ იასინტო მეგობარმა აიძულა პროსტიტუციით დაკავებულიყო. ოთხი წლის განმავლობაში გოგონა ყოველდღე 10 საათიდან შუაღამემდე მუშაობდა და დღეში 30 მამაკაცს ემსახურებოდა. წლების განმავლობაში კარლა სხვა გოგონებთან ერთად, რომელთა ასაკიც უმეტესად 10 წელს შეადგენა, პროსტიტუციით იყო დაკავებული.

კარლამ 15 წლის ასაკში თავის სუტენიორისგან ქალიშვილი გააჩინა, მაგრამ ის იასინტოს შვილის ნახვის უფლებას არ აძლევდა. 2008 წელს მეხიკოში სპეცოპერაციის დროს პოლიციამ იასინტო მონობისგან იხსნა.

დღეს 23 წლის კარლა იასინტო ადამიანებით ვაჭრობის წინააღმდეგ იბრძვის, ის საზოგადოებას თავისი ისტორიის შესახებ უყვება და მოუწოდებს მას წინ აღუდგეს ამ გაუგონარ ძალადობას.