პრინც ჰარის საცოლე ორსულადაა?

ჭორები პრინც ჰარისა და მეგან მარკლის რომანის შესახებ უდიდესი სისწრაფით ვრცელდება.

ამ დღეებში ტაბლოიდებმა მეგანის ორსულობის შესახებ ხმები გაავრცელეს და ამასთან დაკავშირებით დიდი სკანდალი იწინასწარმეტყველეს, რადგან წყვილი იფიციალურ ქორწინებაში ჯერ არ იმყოფება.

ახალი ამბავი ჟურნალმა OK! Magazine-მა გაავრცელა, რომელიც ცნობილია ვარსკვლავების ცხოვრების შესახებ სხვადასხვა ისტორიებით. როგორც ჩანს, გამოცემას სარწმუნო და ცხელი სენსაციები აქვს.

ინსაიდერის თქმით, მეგანი რომელიც ინგლისში გადასვლას გეგმავს, ორსულადაა, ამის მტკიცებულებად გამოცემამ მსახიობის ფოტო გამოაქვეყნა, სადაც მეგანს შესამჩნევად დამრგვალებული მუცელი უჩანს.  

თუმცა სკეპტიკოსები ამბობენ, რომ ფოტოსურათი ძველია და მსახიობი ორსულად არ არის. უფრო მეტიც, პრინცმა ჰარიმ ჟურნალისტებთან უკვე აღიარა, რომ ოცნებობს შვილებზე, თუმცა არსებობს სპეციალური პროტოკოლი, რომლის დარღვევაც არ შეიძლება.