ბრიტნი სპირსის მამა ქალიშვილისა და მისი ახალგაზრდა ბოიფრენდის ქორწინების წინააღმდეგია

ცოტა ხნის წინ დასავლური პრესა ბრიტნი სპირსისა და მისი ბოიფრენდის სემ ასგარის მოსალოდნელ ქორწინებაზე წერდა. ბრიტნის ეს ინფორმაცია ჯერ არ დაუდასტურებია. ინსაიდერები კი ამასობაში ამტკიცებენ, რომ პოპ-ვარსკვალვის მამა მისი ქალიშვილისა და 24 წლის მოცეკვავის დაქორწინების კატეგორიული წინააღმდეგია.

გავრცელებული ცნობით, ბრიტნის ცერემონიის გამართვა  ვეგასში სურს. ის ბევრი სტუმრის დაპატიჟებას არ აპირებს. დღესასწაულს მხოლოდ ახლო მეგობრები და ნათესავები დაესწრებიან. 36 წლის ბრიტნის მამა ჯეიმი სპირსი შიშობს, რომ მისი უფროსი ქალიშვილი მორიგ შეცდომას დაუშვებს. ის პოპ-ვარსკვლავის ნერვული აშლილობის შემდეგ ჯერ კიდევ შვილის ოფიციალურ მეურვედ მიიჩნევა. ახლა ბრიტნი ცხოვრების ჯანსაღ წესს იცავს და ფსიქიკასთან პრობლემები აღარ აწუხებს, თუმცა მის ნათესავებს სიტუაციის განმეორების ისევ ეშინიათ.

ჯეიმი სპირსი მოითხოვს, რომ ბრიტნიმ და მისმა ბოიფრენდმა აუცილებალდ მოაწერონ ხელი საქორწინო კონტრაქტს, რის შემდეგაც ასგარის მისი ქალიშვილის მრავალმილიონიან ქონებაზე პრეტენზია აღარ ექნება.

ინსაიდერების თქმით, ბრიტნის არ სურს საბუთებზე ხელის მოწერა, რადგან სემის სჯერა და მსგავსი წინადადების შეთავაზებას არ აპირებს.