ანჯელინა ჯოლი ბრიჯიტ მაკრონთან შეხვედრაზე ეფექტური კაბით ბრწყინავდა

ანჯელინა ჯოლი კვლავ მოექცა ყურადღების ცენტრში. ამის მიზეზი კი პარიზში მისი საქმიანი ვიზიტი გახდა. პაპარაცებს მსახიობი მარტო არცერთი წუთი არ დაუტოვებიათ. ფოტოები მსახიობს ჯერ იმ დროს გადაუღეს, როდესაც ის Guerlain-ის ბუტიკიდან გამოდიოდა, მოგვიანებით კი თავის ექვს შვილთან ერთად სეირნობისას. მერთ-ერთი ყველაზე საინტერესო კი ბრიჯიტ მაკრონთან გადაღებული ფოტოები გახდა.

პირველ ლედისთან შესახვედრად ჯოლიმ არჩევანი უზადო ჩაცმულობაზე გააკეთა. კლასიკური თეთრი კაბა, ნაცრისფერი მოსასხამი და კრემისფერი ფეხსაცმელი. აქსესუარებად კი მხოლოდ მზის სათვალე და ჩანთა შეარჩია.

ამჟამად ანჯელინა ჯოლის ძალიან დატვირთული გრაფიკი აქვს. ნაწილობრივ ის უკავშირდება მის სარეჟისორო ნამუშევრის „მათ ჯერ მამაჩემი მოკლეს“  ეკრანებზე გამოსვლას. სურათი ნომინირებული იყო „ოქროს გლობუსზე“, მაგრამ გამარჯვება ვერ მოიპოვა. ამასთან ჯოლიმ მოახერხა სხვა ჯილდოების მოპოვება: მას ჰოლივუდის კინოფესტივალისა და ამერიკის კინემატოგრაფიის საზოგადოების პრემიები გადაეცემა, რომლებსაც მსახიობი 17 თებერვალს მიიღებს.