გიორგი კვირიკაშვილი სერჟ სარგსიანს პირისპირ შეხვდა

საქართველოს პრემიერ-მინისტრი გიორგი კვირიკაშვილი სომხეთის რესპუბლიკის პრეზიდენტს, სერჟ სარგსიანს .

მხარეებმა ორ ქვეყანას შორის მრავალსაუკუნოვან კეთილმეზობლურ ურთიერთობებს გაუსვეს ხაზი და აღნიშნეს, რომ მაღალი დონის ვიზიტების ფარგლებში გამართული შეხვედრები ქვეყნებს შორის ეკონომიკური, სავაჭრო და ჰუმანიტარულ-კულტურული ურთიერთობების გამტკიცებას შეუწყობს ხელს.

„ორი ქვეყნის ურთიერთობებში პოზიტიური და დადებითი დინამიკაა, მათ შორის, სავაჭრო-ეკონომიკური კავშირების თვალსაზრისით. მე მქონდა საშუალება პრემიერ-მინისტრთან განმეხილა ძალიან საინტერესო საკითხები, რაც ვიმედოვნებ, კიდევ უფრო გააღრმავებს ქვეყნებს შორის არსებულ თანამშრომლობას," - აღნიშნა საქართველოს პრემიერ-მინისტრმა.

საუბრისას სომხეთის პრეზიდენტმა სერჟ სარგსიანმა ეკონომიკურ და ტურისტულ სფეროში არსებულ პოზიტიურ დინამიკაზე გაამახვილა ყურადღება. მხარეებმა რეგიონში არსებული ვითარებაც მიმოიხილეს და აღნიშნეს, რომ სტაბილურ გარემოს გადამწყვეტი მნიშვნელობა აქვს ქვეყნების ეკონომიკური კეთილდღეობისთვის.