15 წლის გოგონას გულში ბრეკეტების ლითონის ნამცეცი მოხვდა, რის გამოც მან ორი მიკროინსულტი გადაიტანა

15 წლის ბრიტანელი ლია კიტჩენი ბრეკეტების გამო სიკვდილს ძლივს გადაურჩა. ამის შესახებ Daily Mail-ი წერს. სტომატოლოგთან ვიზიტიდან ერთი კვირის შემდეგ გოგონა თავის ტკივილსა და მაღალ ტემპერატურას უჩიოდა. შემდეგ კი ორი მიკროინსულტიც გადაიტანა.       

როდესაც ლიამ თავი ცუდად იგრძნო, დედამისმა იფიქრა, რომ გოგონას გრიპი შეხვდა. მაგრამ მისი მდგომარეობა სწრაფად გაუარესდა. როდესაც მან გონება დაკარგა, ის საავადმყოფოში გადაიყვანეს.

თავდაპირველად ექიმებს მენინგიტი ეგონათ, თუმცა მისი მდგომარეობის ნამდვილი მიზეზი ენდოკარდიტი აღმოჩნდა.

როგორც გამოკვლევის შემდეგ გაირკვა, ბრეკეტების ლითონის ნამცეცი გოგონას გულში მოხვდა და ინფექცია განვითარდა. შედეგად 15 წლის ლია კიტჩენმა ორი მიკროინსულტი გადაიტანა. ექიმებმა დაასკვნეს, რომ გოგონას გადარჩენა მხოლოდ ოპერაციას შეეძლო.

ოპერაცია ხუთ საათს გაგრძელდა, რის შემდეგაც ლიამ საავადმყოფოში რვა კვირა გაატარა.

ამჟამად გოგონას სიცოცხლეს საფრთხე არ ემუქრება, თუმცა მან პერიოდული სამედიცინო შემოწმება უნდა გაიაროს. ექიმები შიშობენ, რომ ლია  სრულ გამოჯანმრთელებას ბოლომდე ვერ შეძლებს.