პრინც ჯორჯს პოლიციელობა სურს

პრინც უილიამისა და ქეით მიდლტონის ვაჟი პრინცი ჯორჯი სულ უფრო მეტ ინტერესს გამოხატავს ყველაფრისადმი, რაც პოლიციას უკავშირდება. ჯერ კიდევ წინასაახალწლო დღეებში მან წერილი მისწერა სანტა კლაუსს და პოლიციის ავტომობილი სთხოვა.

 როგორც აღმოჩნდა, ეს იდეა ბიჭუნას დღემდე არ შორდება. ამის შესახებ მამამისმა ნიუ-სკოტლან-იარდში ოფიციალურ  ღონისძიებაზე განაცხადა.

„ჯორჯი შეპყრობილია პოლიციით, მის მანქანებს, სათამაშოებს - ყველაფერს, პოლიციის სიმბოლიკა აქვს“, - აღნიშნა პრინცმა უილიამმა. პოლიციის კონსტებლმა კი დასძინა, რომ გამუდმებით  ახალი ოფიცრების ძიებაში არიან და შარლოტასა და ჯორჯს შეუძლიათ პოლიციელთა რიგების შევსება. პატარა ჯორჯი ტახტის მესამე პრედენდენტია მამისა და პაპის შემდეგ, ამიტომ საეჭვოა, რომ თავისი კარიერა ოდესმე სპეცსამსახურებს დაუკავშიროს.

შეგახსენებთ, რომ ქეით მიდლტონისა და პრინც უილიამის ოჯახი მესამე შვილს ელოდება. ბავშვის სქესის შესახებ ჯერ არაფერია ცნობილი, თუმცა გავრცელებულია ხმები, რომ პრინც უილიამს ტყუპები ეყოლება.