პენტაგონმა რუსეთს მოუწოდა ჰაერი-ჰაერის ტიპის რაკეტები კოალიციის წინააღმდეგ არ გამოიყენოს

რუსული ჰაერი-ჰაერის ტიპის რაკეტებით აღჭურვილი ბომბდამშენები სუ-34–ები სირიაში სიტუაციას გაართულებს. ამის შესახებ პენტაგონში განაცხადეს და იმედი გამოთქვეს, რომ რუსეთი რაკეტებს კოალიციის წინააღმდეგ არ გამოიყენებს.

”მსგავსი სისტემები უფრო მეტად გაართულებს ისედაც რთულ სიტუაციას სირიის ცაზე და ვერაფერს შეძლებეს ”ისლამური სახელმწიფოს” წინააღმდეგ ბრძოლაში, რომელსაც საჰაერო ძალები არ გააჩნია”, - აღნიშნა უწყების წარმომადგენელმა მიშელ ბალდანსმა.

პენტაგონის წარმომადგენელმა რუსეთს მოუწოდა დაიცვას ფრენების უსართხოების მემორანდუმი. ”ვიმედოვნებთ, რომ რუსეთი ამ სისტემებს ჩვენი კოალიციის წინააღმდეგ არ გაუშვებს”, - დასძინა ბალდანსმა.

როგორც ცნობილია, რუსეთმა სირიის ოპერაციაში სუ-34–ები ჩართო, რომლებიც ჰაერი-ჰაერის ტიპის რაკეტებითაა აღჭურვილი. საუბარია თვითდამიზნების სისტემის მქონე რაკეტებზე, რომლებიც სამიზნეს 60 კილომეტრის რადიუსში ანადგურებს.

რუსული მხარის განცხადებით, ამ სისტემით აღჭურვილმა გამანადგურებლებმა პირველი გაფრენა უკვე განახორციელეს და მათი მიზანი იმ რუსული მოიერიშეების დაცვაა, რომლებიც სირიაში ავიადარტყმებს ახორციელებენ.