ლაშა ბაქრაძე: როგორ მიმდინარეობს რუსული პროპაგანდა - თემები არის ძალიან ბევრი

როგორ მიმდინარეობს რუსული პროპაგანდა - თემები არის ძალიან ბევრი, - განაცხადა ლიტერატურის მუზეუმის დირექტორმა, ისტორიკოსმა ლაშა ბაქრაძე ტელეკომპანია ”ტაბულას” ეთერში, გადაცემაში ”თეორემა”.

ბაქრაძის თქმით, ასეთი თემაა, მაგალითად, რუსებმა თუ პრორუსულმა ძალებმა რომ ჩამოაგდეს მალაიზიური თვითმფრინავი.

”ფაქტობრივად, მეორე დღიდან დაიწყო დაბომბვა საზოგადოების არა იმითი, რომ ეს არ იყო პრორუსული ძალები, არამედ - მაგალითად, Russia Today-ს ხომ შეეძლო ერთი თეორია აეღო, ვინ ჩამოაგდო თვითმფრინავი. არა, ასობით თეორია წამოვიდა, ეს, რასაკვირველია, ფართო საზოგადოებას ძალიან აბნევს. მიუხედავად იმისა, რომ შეიძლება, დამტკიცდეს, რომ მართლა რუსეთმა ჩამოაგდო თვითმფრინავი, მაინც ჯდება სხვა აზრი. "იქნებ უცხოპლანეტელები იყვნენ?" აბსოლუტურად სერიოზულად ამბობდა Russia Today, რომ შეიძლებოდა, უცხოპლანეტელებს ჩამოეგდოთ. საქართველოში ჩაყრილია თემები და ამას იტაცებს საზოგადოების მოზრდილი ნაწილი. მაგალითად, დასავლეთი - როგორც არამართლმადიდებელი და გარყვნილი; ჰომოსექსუალობა რომ საშიშროებაა და დასავლეთიდან მოდის; ოჯახი რომ აღარ არსებობს დასავლეთში და თურმე მხოლოდ რუსის ოჯახი ყოფილა კარგი და მსგავსი სრულიად იდიოტური თემები”, - განაცხადა ბაქრაძემ.