ჩვენ ერთმანეთს შევერწყეთ - როგორ დაიწყო ლედი გაგასა და ბრედლი კუპერის ურთიერთობა

ოსკარის ცერემონიაზე ლედი გაგასა და ბრედლი კუპერის გულისამაჩუყებელი გამოსვლის შემდეგ მედია აქტიურად განიხლავს მათ ურთიერთობას. ფილმის „ვარსკვლავი დაიბადა“ პარტნიორები ჯერ კიდევ ცოტა ხნის წინ იხსნებდნენ მათ პირველ შეხვედრას.

 „არ ვიცოდი, რომ იტალიელი იყო. მახსოვს, როდესაც პირველად შევხვდით, ზუსტად 10 წუთის შემდეგ უკვე სახლში მომზადებულ კერძს მივირთმევდით, რომელიც მან მოამზადა, მიყვარს ჭამა - ჩვენ ნამდვილად გვაკავშირებდა ის, რომ ორივე იტალიურ-ამერიკული ოჯახებიდან ვართ. ამიტომ ჩვენ ერთმანეთს შევერწყეთ“, - განაცხადა კუპერმა ჟურნალისტებთანდა აღიარა, რომ ლედი გაგას სახე და თვალები შეუყვარდა.

მოგვიანებით W magazine-თან ინტერვიუში ბრედლიმ თქვა, რომ მანამდე მომღერლის შემოქმედების შესახებ არაფერი იცოდა. მან დაინახა ლედი გაგა, ან სტეფანი, როგორც კუპერი მას უწოდებს, (ლედი გაგას ნამდვილი სახელი სტეფანი ჯერმანოტაა) საქველმოქმედო საღამოზე, სადაც ის დედასთან ერთად მივიდა. მაშინ მომღერალმა შეასრულა სიმღერა La Vie en Rose, რითიც კუპერი ძლიერ მოიხიბლა.

მეორე დღეს ბრედლიმ მომღერლის აგენტს დაურეკა და მასთან მისვლა სთხოვა. ცოტა ხნის შემდეგ კი ის მალიბუზე ლედი გაგას სახლის ზღურბლზე იმყოფებოდა. „შემდეგ რაც მახსოვს, იყო ის, რომ მასთან ერთად სპაგეტისა და ფრიკადელებს  ვჭამდი, შემდეგ კი ვუთხარი: შეიძლება ერთად ვიმღეროთ?“ და მათ მართლაც იმღერეს.  

აღელვებულმა კუპერმა და ლედი გაგამ შეასრულეს სიმღერა The Midnight Special, მაგრამ შესრულების დროს ლედი გაგამ ბრედლი შეაჩერა და ჰკითხა, მოსმენილი ჰქონდა თუ არა ვინმე,ს თუ როგორ მღეროდა ის. გაგა ერთ-ერთ ინტერვიუში აღიარებს, რომ ბრედლის საოცარი ხმის გაგონების შემდეგ მიხვდა, რომ ფილმი იმუშავებდა. „მე მას დავუჯერე, როგორც მსახიობს, მან მე დამიჯერა, როგორც მუსკოსს“, - განაცხადა კუპერმა. ის ვერც კი იფიქრებდა, რომ უდიდესი პოპულარობის გარდა ეს დუეტი უამრავ ჯილდოს მიიღებდა, მათ შორის ოსკარს ფილმში საუკეთესო სიმღერისთვის.