ჩემი გადაყენების პრეროგარტივა აქვს პრემიერ-მინისტრს და მან დაწერა განცხადება - გიორგი ქობულია

დეპუტატებმა მომმართეს წარმედგინა ანგარიში, რომელიც სამინისტრომ გაწია ჩემი მინისტრობის დროს, - განაცხადა ეკონომიკის ყოფილმა მინისტრმა გიორგი ქობულიამ პარლამენტში დეპუტატთა ნაწილთან შეხვედრაზე. ყოფილმა მინისტრმა თანამდებობიდან მის გადაყენებაზეც ისაუბრა და აღნიშნა, რომ თანამდებობა თავისი ნებით არ დაუტოვებია.

„მე ვიყავი გადაყენებული, ჩემი გადაყენების პრეროგარტივა აქვს პრემიერ-მინისტრს და მან დაწერა განცხადება. ამაში გასაკვირი არაფერი არ არის, რომ ეს გადაწყვეტილება მმართველი პარტიის ლიდერთან კონსულტაციის შემდეგ იყო მიღებული“, – განაცხადა ქობულიამ.

ეკონომიკის ყოფილი მინისტრი პარლამენტში მივიდა. გიორგი ქობულია საკანონმდებლო ორგანოში საპარლამენტო უმრავლესობის ყოფილმა წევრებმა მიიწვიეს.

ეკონომიკის ყოფილი მინისტრი პარლამენტში მივიდა. გიორგი ქობულია საკანონმდებლო ორგანოში საპარლამენტო უმრავლესობის ყოფილმა წევრებმა მიიწვიეს.

შეხვედრას ყოფილ მინისტრთან "ნაციონალური მოძრაობისა" და "ევროპული საქართველოს" დეპუტატები დაესწრნენ. გიორგი ქობულიასთან შეხვედრაზე არ მივიდა მმართველი პარტია. მათი თქმით, ყოფილ მინისტრთან კითხვები აღარ აქვთ. მმართველი პარტიიდან შეხვედრას მხოლოდ ზაზა ხუციშვილი და შოთა შალელაშვილი დაესწრნენ.

ეკონომიკის მინისტრი, გიორგი ქობულია თანამდებიბიდან 2019 წლის 18 აპრილს გადადგა. მოგვიანებით, გიორგი ქობულიამ განაცხადა, რომ ის თავისი ნებით არ წასულა, რადგან წასვლის შესახებ მას განცხადება არ დაუწერია. ქობულიამ ეკონომიკის მინისტრის თანამდებობა 2018 წლის ივლისში დაიკავა.