სააკაშვილისთვის მოქალაქეობის დაბრუნება, ზელენსკისთვის ღირსების საკითხი იყო - უკრაინის ყოფილი პრეზიდენტი

ვლადიმირ ზელენსკისთვის საქართველოს ყოფილი პრეზიდენტ მიხეილ სააკაშვილისთვის უკრაინის მოქალაქეობის დაბრუნება სამართლიანობისა და ღირსების საკითხი იყო. ამის შესახებ უკრაინის ყოფილმა პრეზიდენტმა ლეონიდ კრავჩუკმა განაცხადა.

„მიმაჩნია, რომ ზელენსკისთვის უმთავრესი იყო სამართლიანობისა და ღირსების მომენტი. ყველას გვახსოვს, როგორ მიანიჭა პეტრო პოროშენკომ სააკაშვილს მოქალაქეობა: ძალიან მალე და ასევ ძალიან მალე ჩამოართვა. დარწმუნებული ვარ, რომ მინიჭებასა და ჩამორთმევაში უკრაინის ეროვნული ინტერესები გათვალისწინებული არ ყოფილა, ამ შემთხვევაში ეს მხოლოდ პოროშენკოს პირადი ინტერესები იყო“ - განუცხადა კრავჩუკმა უკრაინულ ტელეკომპანია 112 -ს.

ამასთან, მისი აზრით სააკაშვილი უკრაინაში თანამდებობას ვერ მიიღებს.

 „პრეზიდენტმა თავის მიწა-წყალზე, თავის სამშობლოში  უნდა იმუშაოს, როდესაც ის სხვა ქვეყანაში გადადის საცხოვრებლად, ემიგრანტია, სურს თუ არა ეს მას. ამიტომ, ვფიქრობ, რომ უკრაინაში პრეზიდენტი სააკაშვილი მაღალ ან უმაღლეს თანამდებობას ვერ დაიკავებს“, - განაცხადა კრავჩუკმა.