სუდანში დემონსტრანტების დაშლის შედეგად 35-ზე მეტი ადამიანი დაიღუპა

საქართველო, თბილისი - 10:06 | 04.06.2019

ნანახია: 929

ხართუმში კარვების ბანაკის დაშლის შედგად 35-ზე მეტი ადამიანი დაიღუპა, ასობით კი დაიჭრა. ამის შესახებ სუდანის ოპოზიციური კომიტეტი იუწყება.

გავრცელებული ცნობით, სამხედრო შტაბ-ბინის წინ სამხედრო საბჭოს მიერ მოკლულია 35 ადამიანი, ასობით დაჭრილი საავადმყოფოებშია გადაყვანილი.

აღნიშნულია, რომ დაღუპულთა ზუსტი რაოდენობის დადგენა შეუძლებელია, რადგან შეიარაღებული სამხედროები საავადმყოფოს ირგვლივ იმყოფებიან და ექიმებს თავს ესხმიან ან აკავებენ. ამის გარდა, სამხედროებმა ცხედრების დიდი რაოდენობა მდინარე ნილში გადაყარეს.

სუდანის არმიამ ხართუმის ცენტრში თავდაცვის სამინისტროს შენობის წინ კარვების ბანაკის დაშლა ორშაბათს დილით დაიწყო. გავრცელებული ცნობით, სამხედროები იყენებდნენ ცეცხლსასროლ იარაღს. უსაფრთხოების ძალაბის მიერ გადაკეტილია ხართუმის ყველა ცენტრალური ქუჩა.

სუდანის ოპოზიცია გარდამავალ სამხედრო საბჭოს მშვიდობიანი აქციის დარბევაში ადანაშაულებს და მოსახლეობას ხელისუფლებისგან სამხედრო საბჭოს დაუყოვნებლივ ჩამოსაშორებლად მასობრივი პროტესტებისკენ მოუწოდებს.

სუდანში სამხედრო გადატრიალება 11 აპრილს ოთხვთიანი სახალხო პროტესტების ფონზე მოხდა. პრეზიდენტი ომარ ალ-ბაშირი გაადააყენეს, შემდეგ კი დააპატიმრეს. ხელისუფლებას არმიის მიერ ფორმირებული გარდამავალი სამხედრო საბჭო დაეუფლა, რომელმაც განაცხადა, რომ ორი წლის ვადაში ძალაუფლებას არჩეულ ხელისუფლებას გადასცემდა. თუმცა ქვეყანაში სახალხო პროტესტი არ ცხრება, დემონსტრანტები მოითხოვენ სამოქალაქო მმართველი ორგანოს ფორმირებას და მისთვის ყველა უფლებამოსილების გადაცემას.