გავრილოვი დასვეს სავარძელში და ისიც დაჯდა, რადგან იცოდა, რომ მასპინძლების განაწყენება არ შეიძლებოდა - მარია ზახაროვა

არეულობებმა საქართველოში ყველაზე მეტად ზიანი ამ ქვეყანას მიაყენეს, ეს კოშმარული პროვოკაციაა, - ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.

 „რადიკალების პროვოკაცია, პარტიებს შორის ბრძოლა ხელისუფლებისათვის... პოლიტიკა... დემოკრატია. ეს ირონია არ არის - ეს თანამედროვე მსოფლიოს რეალობაა“, - წერს ზახაროვა Facebook-ის გვერდზე.

ის აღნიშნავს, რომ რუსი დეპუტატი სერგეი გავრილოვი საქართველოში მშვიდობიანი მიზნებეისთვის მიიწვიეს მართლმადიდებელურ ფორუმზე. „ის არასდროს მონაწილეობდა რაიმე ანტიქართულ საქმიანობაში“, -  წერს ზახაროვა.

 „ის არ ხელმძღვანელობდა თავისი ან საერთაშორისო პროტოკოლით, ის ექვემდებარებოდა მიმღები ქვეყნის რეკომენდაციებს... და მაინც რა მოხდა ასეთი - ის უბრალოდ დასვეს იმ სავარძელში, და ისიც დაჯდა, რადგან იცოდა, რომ მასპინძლების განაწყენება არ შეიძლებოდა. და აი საუკუნეების განმავლობაში სანაქებო სტუმართმოყვარეობა რითი დასრულდა. რუსულ მედიაში კი ყოველდღე ატრიალებენ რეკლამებს საქართველოს ტურისტული შესაძლებლობების შესახებ“., - აღნიშნა ზახაროვამ.