როუჰანი აშშ-სთან მოლაპარაკებებს არ გამორიცხავს, თუ ის ზეწოლის პოლიტიკაზე უარს იტყვის

ირანის პრეზიდენტი ჰასან როუჰანი აშშ-სთან მოლაპარაკებებს არ გამორიცხავს, თუ ვაშინგტონი ზეწოლის პოლიტიკაზე უარს იტყვის და დიალოგზე გადავა.

მისი თქმით, შეერთებულმა შტატებმა ასეთი დიალოგის წინაპირობებზე უარი უნდა თქვას, „ამერიკის წინაპირობა მოიცავს იმას, რომ პირველ რიგში უნდა განხორციელდეს სანქციები და ირანელ ხალხზე მაქსიმალური ზეწოლა, შემდეგ კი აშშ-მა დაიწყოს მოლაპარაკებები“, - განაცხადა როუჰანიმ ნიუ-იორკში პრესკონფერენციაზე.

 „ჩვენ ვამბობთ, რომ ეს არასწორი წინაპირობაა. ის მოლაპარაკებების მაგიდიდან უნდა გაქრეს, სანქციები უნდა ანულირდეს. შეწყვიტეთ მაქსიმალური ზეწოლის პოლიტიკა და დაიწყეთ დიალოგის, ლოგიკის, აზროვნების პოლიტიკის გატარება. თუ ჩვენ ვიცოცხლებთ ამ მომენტამდე, როდესაც წინაპირობები გაუქმდება, რა თქმა უნდა, ამერიკასთან მოლაპარაკების შესაძლებლობაც გაჩნდება“, - აღნიშნა ირანის ლიდერმა.