პრემიერ-მინისტრობის კანდიდატი გიორგი კვირიკაშვილია

პრემიერ-მინისტრობის კანდიდატი საგარეო საქმეთა მინისტრის მოვალეობის შემსრულებელი გიორგი კვირიკაშვილია. ამის შესახებ ინფორმაცია ფრაქცია „ქართული ოცნების“ თავმჯდომარემ გია ვოლსკიმ დაადასტურა. გიორგი კვირიკაშვილს პრემიერობის კანდიდატად ირაკლი ღარიბაშვილი დაასახელებს.

მისი თქმით, გუშინ აქტიური კონსულტაციები გაიმართა მთავრობასა და პარლამენტს შორის და გადაწყდა, რომ პრემიერ-მინისტრობის კანდიდატად გიორგი კვირიკაშვილი დასახელდეს.
ირაკლი ღარიბაშვილმა ორი დღის წინ პრემიერ-მინისტრის თანამდებობა დატოვა. უფლებამოსილება მინისტრთა კაბინეტის ყველა წევრს შეუწყდა.
მთავრობის უფლებამოსილების შეწყვეტის შემდეგ, საქართველოს პრეზიდენტი შვიდი დღის ვადაში პრემიერ-მინისტრობის კანდიდატად წამოაყენებს საპარლამენტო უმრავლესობის, ხოლო თუ უმრავლესობა შექმნილი არ არის, იმ საპარლამენტო ფრაქციის მიერ წარდგენილ კანდიდატურას, რომელშიც პარლამენტის ყველაზე მეტი წევრია გაერთიანებული.