გიორგი კვირიკაშვილი მინისტრთა კაბინეტში ცვლილებებს არ გამორიცხავს

პრემიერ-მინსტრობის კანიდადტის რანგში გიორგი კვირიკაშვილმა პირველი კომენტარი გააკეთა.

გიორგი კვირიკაშვილმა უკვე ყოფილ პრემიერ-მინისტრს და უმრავლესობის წევრებს ნდობისთვის მადლობა გადაუხადა.

“მინდა მადლობა გადავუხადო ბატონ ირაკლის. ჩვენ ძალიან ბევრი კარგი საქმე გავაკეთეთ ერთად და მე წილად მხვდა ბედნიერება, რომ ვყოფილიყავი ვიცე პრემიერი, როდესაც ბატონი ირაკლი იყო პრემიერმინისტრი. ასევე მადლობა იმ ნდობისთვის, რომელიც მან სულ ცოტა ხნის წინ გამომიცხადა. ეს არის უდიდესი პასუხისმგებლობა ქვეყნის და თითოეული მოქალაქის წინაშე და მე ვეცდები, რომ მაქსიმალურად დავიხარჯო ამ პასუხისმგებლობის აღსრულებაში," - განაცხადა გიორგი კვირიკაშვილმა. 

გიორგი კვირიკაშვილი მინისტრთა კაბინეტში რამდენიმე ცვლილებას არ გამორიცხავს

"კიდევ ერთხელ შევიკრიბებით გუნდი. არ მგონია, რომ მნიშვნელოვან დრამატულ ცვლილებებს უნდა ველოდოთ, რამდენიმე ცვლილება შესაძლებელია იყოს," - აღნიშნა გიორგი კვირიკაშვილმა.