საქართველოში ჩემი თვალით ვნახე იძულებით გადაადგილებული პირები, დაღუპულები და დაჭრილები, პუტინი დაუსჯელია - კონგრესმენი კრისტოფერ სმითი

რუსეთს უკვე 10 წელზე მეტია, უკანონოდ აქვს ოკუპირებული აფხაზეთი და სამხრეთ ოსეთი, ეს არის საქართველოს ორი რეგიონი და საქართველოს ტერიტორიის 20 პროცენტს წარმოადგენს, – ამის შესახებ ამერიკელმა კონგრესმენმა კრისტოფერ სმითმა კონგრესში განაცხადა, სადაც რუსეთის „დიდი შვიდიანის“ სამიტზე მიპატიჟების საწინააღმდეგო რეზოლუცია მიიღეს.

"რუსეთს უკვე 10 წელზე მეტია, უკანონოდ აქვს ოკუპირებული აფხაზეთი და სამხრეთ ოსეთი, რომლებიც საქართველოს ტერიტორიის 20%-ს წარმოადგენს. თბილისს პუტინის სამხრეთ ოსეთში შეჭრიდან ერთი კვირის შემდეგ ვესტუმრე - შესაძლებელი იყო, თბილისშიც შეჭრილიყო. ჩემი თვალით ვნახე იძულებით გადაადგილებული პირები, დაღუპულები და დაჭრილები. პუტინი დღეს საბჭოთა კავშირის წარსულის დღეებს აცოცხლებს. მან საერთაშორისო კანონმდებლობის ფუნდამენტური პრინციპები დაარღვია, უარყო დემოკრატიული საზოგადოების სტანდარტები და უარი თქვა მეზობელი ქვეყნების ტერიტორიული მთლიანობის აღიარებაზე. პუტინი დაუსჯელია. რუსეთის შეჭრებმა და ოკუპაციამ საქართველოსა და უკრაინაში ათასობით ადამიანი იძულებით გადაადგილებულ პირად აქცია. შედეგად დაირღვა ამ ორი ქვეყნის მოსახლეობის ადამიანთა უფლებები, " -აღნიშნა კრის სმითმა.