ოკუპირებული აფხაზეთის დე-ფაქტო პრეზიდენტის ადმინისტრაციის შენობაში ე.წ. ოპოზიციის წარმომადგენლები შეიჭრნენ

ე.წ. ოპოზიციის წარმომადგენლები ოკუპირებული აფხაზეთის დე-ფაქტო პრეზიდენტის ადმინისტრაციის შენობაში შეიჭრნენ.

ამ დროისთვის ე.წ. პრეზიდენტის ადმინისტრაციის შენობასთან 500-მდე ადამიანია შეკრებილი.

მიტინგის ორგანიზატორია ახრა ავიძბა, რომელიც ე.წ. შს მინისტრის გარი არშბას გადადგომას მოითხოვდა.

 აქციის მონაწილეები ე.წ. საპრეზიდენტო არჩევნების შედეგებს უკანონოდ ცნობენ, რომელშიც გამარჯვება ოკუპირებული აფხაზეთის ე.წ. ცენტრალური საარჩევნო კომისიის მონაცემებით, რაულ ჰაჯიმბამ მოიპოვა. 

დე-ფაქტო საპრეზიდენტო არჩევნების პირველი და მეორე ტური აფხაზეთში 2019 წლის 25 აგვისტოს და 8 სექტემბერს გაიმართა. არაღიარებული რესპუბლიკის ე.წ. ცენტრალურმა საარჩევნო კომისიამ გამარჯვებულად რაულ ჰაჯიმბა გამოაცხადა. რაულ ჰაჯიმბამ ე.წ. არჩევნების პირველ ტურში ხმათა 47,39 პროცენტი მიიღო, ალხას კვიცინიამ კი 46,17. მეორე ტურის შედეგების მიხედვით, გამარჯვება ხმათა 66.55%- ით რაულ ჰაჯიმბამ მოიპოვა.