თუ იარაღი ვიზუალურად ჩანს და ადამიანი გადაადგილდება საარჩევნო უბნებზე, როგორც ვიცი, ეს კანონდარღვევაა - ალეკო ცქიტიშვილი

თუ იარაღი ვიზუალურად ჩანს და ადამიანი გადაადგილდება საარჩევნო უბნებზე, როგორც ვიცი, ეს კანონდარღვევას წარმოადგენს, – ამის შესახებ ადამიანის უფლებათა ცენტრის წარმომადგენელმა, ალეკო ცქიტიშვილმა „ნაციონალური მოძრაობის“ წევრების დიმიტრი შაშკინის და კახა ოქრიაშვილის შესახებ განაცხადა.

მისი თქმით, ცალსახად შეიძლება ითქვას, რომ ვინც არ უნდა იყოს, იარაღით გადაადგილება არჩევნებზე არის ყოვლად დაუშვებელი.

„ამაზე აუცილებლად უნდა მოხდეს რეაგირება სამართალდამცველების მხრიდან და თვითონ იმ პარტიების წარმომადგენლებმაც უნდა აღკვეთონ მსგავსი ფაქტები, რომელსაც წარმოადგენენ შეიარაღებული პირები, თუ ასეთ შემთხვევას აქვს ადგილი და ხდება შეიარაღებული პირების გადაადგილება საარჩევნო უბნებზე ან მიმდებარედ. თუ იარაღი ვიზუალურად ჩანს, რომ ეს იარაღი ადამიანს აქვს და გადაადგილდება საარჩევნო უბნებზე, მე როგორც ვიცი, ეს კანონდარღვევას წარმოადგენს“, – განაცხადა ცქიტიშვილმა.

დღეს გავრცელდა ფოტომასალა, სადაც ჩანს როგორ გადაადგილდება დიმიტრი შაშკინი ბოლნისის რაიონის სოფელ ტალავერში იარაღით.