ბაიდენი დარწმუნებულია, რომ საპრეზიდენტო არჩევნებში გამარჯვებას მოიპოვებს

აშშ-ის პრეზიდენტობის კანდიდატი დემოკრატიული პარტიიდან ჯოზეფ ბაიდენი დარწმუნებულია, რომ არჩევნებში გამარჯვებას მოიპოვებს, თუმცა ამბობს, რომ ბიულეტინების დათვლას დრო დასჭირდება. ამის შესახებ მან დელავერის შტატში გამოსვლისას განაცხადა.

„მიგვაჩნია, რომ ჩვენ ამ არჩევნებში გამარჯვების გზაზე ვართ, თუმცა უნდა დაველოდოთ“, - განაცხადა ბაიდენმა. „ჩვენ ვიცოდით ამის შესახებ, რადგანაც იყო უპრეცენდენტო ნაადრევი კენჭისყრა და ხმის მიცემა ფოსტით, ეს დროს მოითხოვს. ჩვენ უნდა ვიყოთ მომთმენი, ვიდრე არ დამთავრდება ხმების დათვლის რთული სამუშაო“, - აღნიშნა ბაიდენმა.

ამასთან, ბაიდენი Twitter-ში წერს, რომ დარწმუნებულია თავის გამარჯვებაში. „ჩვენ კმაყოფილები ვართ არსებული სიტუაციით, მიგვაჩნია, რომ ვიმყოფებით გამარჯვების გზაზე“, - დაწერა ბაიდენმა.

აშშ-ში საპრეზიდენტო არჩევენბი 3 ნოემბერს გაიმართა. ზოგიერთ შტატში ხმის მიცემის პროცესი ჯერ კიდევ მიმდინარეობს.