მსოფლიოში კორონავირუსით ინფიცირების შემთხვევებმა 48 მილიონს გადააჭარბა

ბოლო მონაცემებით, მსოფლიოში კორონავირუსით ინფიცირების 48 034 287 შემთხვევაა გამოვლენილი. ინფორმაციას ჯონს ჰოპკინსის უნივერსიტეტი ავრცელებს.

ინფიცირებისა და გარდაცვალების შეთხვევების რაოდენობით შეერთებული შტატები ლიდერობს. ქვეყანაში საერთო ჯამში გამოვლენილია COVID-19-ის 9 480 242 შემთხვევა, გარდაცვლილა 233 663 ადამიანი. გასულ 24 საათში აშშ-ში დადასტურდა ინფიცირების რეკორდული რაოდენობა - 103 000, გარდაიცვალა 1 100 პაციენტი.

აშშ-ის შემდეგ მეორე ადგილზეა ინდოეთი. აქ სულ დადასტურებულია 8 313 876 შემთხევა, გარდაცვლილია 123 611 ადამიანი, მესამე ადგილზე მყოფ ბრაზილიაში უკვე დაფიქსირებულია 5 590 025 შემთხვევა, გარდაცვლილია 161 106 პაციენტი.

 ფოტო:  Reuters