საქართველო "ასტრაზენეკას" ვაქცინის დამატებით 150 000 დოზას მიიღებს - ეკატერინე ტიკარაძე

საქართველო "ასტრაზენეკას" ვაქცინის დამატებით 150 000 დოზას მიიღებს. ამის შესახებ ჯანდაცვის მინისტრმა, ეკატერინე ტიკარაძემ განაცხადა.

მისი თქმით, აღნიშნული ინფორმაცია დღეს გახდა ცნობილი.

"ასტრაზენეკას ვაქცინის ერთ-ერთ მომწოდებლად გვყავს განსაზღვრული კოვაქსპლატფორმა, სადაც განსაზღვრულია 300 000 დოზამდე ვაქცინის მიღება. დამატებით მიმდინარეობს პირდაპირ მწარმოებელთან კომუნიკაცია, საიდანაც ჩვენ გვაქვს დასტური, რომ 150 000 დოზას მივიღებთ მარტის პირველ ნახევარში. მოლაპარაკებები გრძელდება. მათ იციან ჩვენი საჭიროებები. ეს არის ვაქცინის 3600-მდე დოზა და ეტაპობრივად ყველა მწარმოებლისგან და კოვაქსპლატფორმიდან მოხდება ამ საჭირო რაოდენობების მოწოდება საქართველოსთვის", - აღნიშნა ეკატერინე ტიკარაძემ.

მინისტრის თქმით, ვაქცინის პირველ დოზებს საქართველოს თებერვლის ბოლოს მიიღებს.