ევროპულ ოჯახში საქართველოს ადგილი არის საფრთხის ქვეშ - 8 ქვეყნის პარლამენტის საგარეო საქმეთა კომიტეტის თავმჯდომარის ერთობლივი განცხადება

საქართველო, თბილისი - 15:33 | 26.02.2021

ნანახია: 836

8 ქვეყნის პარლამენტის საგარეო საქმეთა კომიტეტის თავმჯდომარე საქართველოში არსებულ პოლიტიკურ ვითარებასთან დაკავშირებით ერთობლივ განცხადებას ავრცელებს.

"ნაციონალური მოძრაობის“, საქართველოში ყველაზე მსხვილი ოპოზიციური პარტიის ოფისის დარბევამ, მისი თავმჯდომარის ნიკა მელიას დაკავების გამო, ქვეყანაში დემოკრატიისა და თავისუფლების სიმყიფე გამოააშკარავა.

ძალადობა შეუთავსებელია საქართველოს მთავრობის გაცხადებულ მისწრაფებებთან და ეწინააღმდეგება 2020 წლის 8 მარტის შეთანხმებას მთავრობასა და ოპოზიციას შორის, რომელსაც ხელს უწყობენ ევროკავშირისა და შეერთებული შტატების ელჩები თბილისში.

ჩვენ მოვუწოდებთ ქართველებს, გაერთიანდნენ, რათა იპოვონ პოლიტიკური გამოსავალი იმ პრობლემების მოსაგვარებლად, რომლებიც ჩვენ დავინახეთ ბოლო წლებში და არ მიმართონ სხვების მიერ გამოყენებულ ტაქტიკას ქართველი ხალხის ინტერესების საზიანოდ.

დესტაბილიზაციის გამომწვევი და ანტიდემოკრატიული ქმედებები, რომელიც საპარლამენტო არჩევნების მერე დაიწყო და ამ დრომდე გრძელდება, ხაზს უსვამს ძალაუფლების მქონე ყველა ადამიანის პიროვნულ პასუხისმგებლობას თავშეკავებისკენ და შედეგებისკენ მთელი ერისთვის, მათთვის, ვინც ამას არ აკეთებს.

საქართველოს, როგორც ევროპული ოჯახის თავისუფალი წევრის ადგილი ეჭვს არ იწვევს, მაგრამ არის საფრთხის ქვეშ თავისუფლებაზე ძალადობისა და თავდასხმების გამო", - ნათქვამია ერთობლივ განცხადებაში.

განცხადებას ხელს აწერენ:

ჟიგიმანტას პავილიონისი - ლიეტუვის სეიმის საგარეო საქმეთა კომიტეტის თავმჯდომარე

პაველ ფიშერი - ჩეხეთის სენატის საგარეო საქმეთა, თავდაცვისა და უსაფრთხოების კომიტეტის თავმჯდომარე.

მარეკ კუჩინსკი - პოლონეთის სეიმის საგარეო საქმეთა კომიტეტის თავმჯდომარე

რიჰარდ კოლსი - ლატვიის სეიმის საგარეო საქმეთა კომიტეტის თავმჯდომარე

რობერტ მენენდესი - შეერთებული შტატების სენატის საგარეო საქმეთა კომიტეტის თავმჯდომარე

მარკო მიკელსონი - ესტონეთის პარლამენტის საგარეო საქმეთა კომიტეტის თავმჯდომარე

ნორბერტ რიოტგენი - გერმანიის ბუნდესტაგის საგარეო საქმეთა კომიტეტის თავმჯდომარე

ტომ ტუგენდატი - გაერთიანებული სამეფოს თემთა პალატის საქმეთა კომიტეტის თავმჯდომარე